Tononkalom-Paritra: Valin-Taratasin'i Valizy Mena

Par Tombovelo Zayad Amad

Tononkalo 40 (hefapolo) natao amin'ny fitenim-paritra no ho hitanao atao anatin'ity boky tononkalo voalohany nosoratin'i AMAD Tombovelo Zayad ity. "Valizy mena", "Taratasin'i nindry", "Veloma", sns...

• Langue: Français
• Éditeur: Books on Demand
• Date de sortie: 23 sept. 2014
• ISBN: 9782322010554

Aperçu du livre

Sommaire

TONONKALOM-PARITRA

TARATASIN’I NINDRY

INDESA IZY ONJA

MIDOKOA AZAFADY

ANDRIAMBAVILANITRA NATAO ANDEVO

FETIN’ I PAPA

VALIN-TARATASIN’I VALIZY MENA

ANAO FO

HO ANAO IZAY HO ANY FRANTSA

ARAIKY KOA VERY, FOLO MISOLO

AMBOARA AMBOARA

ORITA NAHAZO FODY

TANTARA HEFA HITA

« 4 AMIS »

FIAINANA CELIBAT

FACEBOOK IO?

JAO SA MBÔTY?

KANSERA

TARANAKA MPANDOKY

JAOMBILO

TANTARAN’I BILA

ZANAKA TIANA

VARATRAZA

NISAVAKO TELEPHONINAO NIMOALY

TSIMIRORO

ALLO! ALLO!

VELOMA

VAVA LAPASY

AMBARA!

LÔKO TÔNO NDREKY SIJIAVO

TSY MELOKO LEHILAHY

TIA

AFRIKA

VADIN’NY SOFERAN’AMBILOBE VOHEMARA

MITADY KORESY

KARAZANA POLITIKA

TSINJAKA VADIAN̈A

MATIMBAVY

TIAKO ANAO

VAOVAON’IRÔ NAMANA

VAOVAON’NY AMBATOBE TSY TON̈ONIN̈Y (V.A.T.T)

Page de copyright

TONONKALOM-PARITRA

Zaho mba an̈ano tononkalo amin’ilay volan̈a nahabe.

Zaho mba an̈ano tononkalo, amin’ny tenindrô Razambe.

Zaho mba an̈ano tononkalo, amin’ilay fitenim-paritra.

Zaho mba an̈ano tononkalo, amin’ny volan̈’avaratra.

Dayaz

TARATASIN’I NINDRY

Vôla nalefanao, nazonay niany,

misaotra nindry, hitombo be ny nialany,

izy in̈y hividianan̈a gony araikin’ny vary,

ny lambiny tavela an̈anaovanay bazary.

Navy taty ilay olo nitôndra entan̈a,

iry zandrinao tato endrakendraka,

nahazo raha vao nan̈ano vantara,

tsisy olo tsy nahita ilay lamba tsara.

Nin’i babananao tiany amin’ankitin̈y,

kiraro vaovao tsy miala amin’ny vitiny,

isaka « dimanche », akanjo iny sikinin̈y,

telefonin’azy, tsy mahazo kitin̈y.

Tamin’ny sabotsy nisy vadian̈a,

rôbo nalefanao mba hefa nisanjian̈a,

izy in̈y aty mbôla tsisy amin’ny dokany,

iry havako jiaby, nan̈iry, nanontany.

Misy Angivy ndreky lôko maiky,

nalefako an̈y miaraka aody mafaiky,

anao koa nan̈amboarako mokary vary,

ndreky tavoangy aroen’ny antsiary.

Letchi tadiavinao tsendriky masaka,

fôtony mahaleny hefa ela tsy latsaka,

alefako izen̈y amin’ny man̈araka,

ndreky Tsidimy ataonao kabaka.

« Délestage » ato mbôla man̈adary,

jiro iziô naty rango nomaly,

tanàna mahiziky, tsisy raha manjary,

mampanahiran̈a, olo jiaby mijaly.

Ke anao ambelako fa andra hefa alin̈y,

labozy ity, hefa tsy ela ho lany.

Veloma nindry mahereza mitady,

ho samby tsaratsara atsika jiaby.

Dayaz

INDESA