Oryantasyon nipsyal

Par Ulysse Steevens Esaïe

Ce livre est écrit en créole. 

Il est basé sur le mariage, tout ce qui ont rapport à la vie conjugale. Un moyen de pouvoir vous aider à mieux comprendre la réalité du mariage et à savoir comment se comporter avant et après le mariage. 

Ce qui, pour vous pourrait vous servir de guide afin de tout savoir sur le mariage. 

Annou ede kominote nap viv la rive konprann sa ki rele maryaj la tout bon... 

• Langue: Français
• Éditeur: Ulysse Steevens Esaïe
• Date de sortie: 2 août 2025
• ISBN: 9791235142535

Ulysse Steevens Esaïe

I'll s'agit d'un auteur très authentique, qualifié de détenteur de plusieurs œuvres littéraires et également s'est adapté à la créativité. Il est élégant, passionné de l'écriture et surtout, il possède une qualité très particulier.  L'auteur est un homme pensif et il a eu une carrière dans le domaine de l'éducation.  Ulysse Steevens Esaïe dit thomgiver, est porteur de certains projets visant à améliorer l'ambiance de la créativité.  En conclusion, il travaille pour plaire à tous ceux qui lui font confiance et poursuit son destin. 

Aperçu du livre

ULYSSE STEEVENS ESAÏE

ORYANTASYON NIPSYAL

GID ENTEGRAL POU ANGAJE YO

LIV SA TE PIBLIYE SOU sit : Amazon  ak lòt ankò

Kouvèti liv la : Ulysse Steevens Esaïe

© Ulysse Steevens Esaïe

Tout dwa pou repwodiksyon, adaptasyon e tradiksyon, entegral oubyen pasyèl rezève pou tout peyi nan mond lan.

Otè a ki se sèl pwopriyetè liv la ki gen dwa epi responsab sou tout sa ki ekri nan liv la.

ENTWODIKSYON

Pou kòmanse, liv sa  : Oryantasyon Nipsyal se yon gid ki ekri sou sètèn sijè trè sansib sou kesyon maryaj, depi nan kòmansman rive nan lavi konjigal. Li la pou gide nou epi ede nou devlope kapasite pou konsève relasyon amourez nou yo oubyen maryaj yo.

Tèm nipsyal la se yon mo ki deziye tout sa ki gen rapò avèk maryaj, li se tou yon tèm filozofi ki enplwaye pou kesyon maryaj senpleman.

Liv sa ka enpeche gwo deblozay nan relasyon amourez nou yo epi ede nou gen yon maryaj ki solid kote chak antite rekonèt dwa yo, pozisyon yo dwe okipe nan fwaye yo epi konnen kijan pou konpòte nou.

Nou konnen gen anpil pastè ki refize fè fòmasyon pou koup marye yo, sitou pou fiyanse yo ki se yon atou pou bòn mach legliz yo ; anpil fwa nou konn jwenn anpil moun ki fin marye epi kap viv tankou yon moun yo bliye egzistans li, sa ki se yon bagay ki pa nòmal e li tap toujou trè enpòtan pou legliz yo tabli dimanch pou la fanmi, jis pou ede moun yo kap fè fas ak sitiyasyon difisil chak jou nan fwaye yo pou konnen kijan sa ye epi pou yo toujou sonje devwa yo.

Premye bagay pou nou konnen, nou pa dwe kite lanmou nou pou yon moun fè li gaspiye tan nou oubyen pwofite de feblès nou ; fòk nou chache konnen èske moun sa prè li menm tou pou li fè yon vi serye avèk nou, paske gen moun ki la sèlman pou plezi, banbòch epi pa gen vizyon stabilite nan lavi li.

Èske ou vle gaspiye lavi jenès ou? Èske ou vle mennen yon vi ki nòmal kote tout sa wap fè fèt nan prensip ?

Nou dwe rive kontwole sa kap rantre nan lavi nou, lè nou koute jwisans fè nou mennen yon lavi nou pat dwe mennen, demen se nou ki pral kriye. Lè nou pa aprann konnen kijan pou nou mennen fwaye nou, pi devan se nou menm ki pral soufri e ou pral konnen anpil moman kew pat dwe konnen.

Nou dwe mete nou prè avan nou avantire, pa kite foli renmen fè nou bliye rezilta lavi ka pote sou nou ; si nou kwè tout bon nan lanmou e nou vle gen lapè nan maryaj nou, lapriyè, chache fòmasyon sou fwaye oubyen maryaj, ni moun ki chwazi a ni patenè a, se rezon sa ki fè chak moun dwe gen yon liv, yon fason pou nou aprann ansanm epi fòme tèt nou pou yon maryaj ak yon fwaye ki solid.

Fòk nou pa bliye ke nou chak gen yon konpòteman ki diferan, nou pap janm ka soti nan menm ras e nou kapab menm resevwa edikasyon ki diferan ; men ki pa anpeche ke si gen prezans vrè lanmou an pou nou aprann viv ansanm, se youn nan rezon ki fè nou dwe aksepte pawòl sa ke labib fè nou konnen, lè li di lè de moun marye yo vin fè yon sèl, paske maryaj se yon melanj, se yon kafe ak lèt.

Siw se yon kretyen, nou envite'w rete nan lapriyè paske yo toujou di depi yon moun mal marye ebyen lap mal mouri, se sak fè anpil moun pafwa konn pa vle avantire , m’en li se pi bon bagay ki te ka genyen lèw konnen kijan pou’w jere li. Siw poko kretyen, nou envite’w fè sa paske se sèl Bondye ki ka  ede'w nan chwa ou yo.

Lanmou oubyen renmen

Kisa lanmou oubyen renmen ye?

Lanmou se yon tèm kategorikman ki dekri yon sitiyasyon vrèman spesyal nan lavi yon kretyen vivan. Lanmou se pataje yon seri de santiman ki vrè oubyen ki reyèl pou akonpli kondisyon sa nou rele renmen an.

Kondisyon sa pèmèt yon moun kapab konprann yon lòt, aksepte viv bò kote’l tankou youn te fèt pou lòt e menm arive pwoteje’l, soutni’l nan moman ki pi difisil yo. Se tèm ki pi fò nan lavi yon moun epi se sèl mo sa ki fè aksepsyon de yon seri kondisyon ke yon moun pata dwe asepte nan lavi pèsonèl li.

Renmen oubyen